1個月前

“教學經驗豐富”

喺美國讀大學嘅時候，主修心理學、經濟同埋金融。然後返到香港就開始成為行為治療師，並且喺香港大學讀咗一個心理輔導嘅碩士。 我有超過10年教小朋友嘅經驗，8年教特殊學生嘅經驗，亦都喺男童院入面實習過。 我嘅工作主要係用遊戲及行為治療嘅方法，因應唔同學生嘅需要同程度，去教授有特殊學習需要SEN學生, 例如自閉症，過度活躍症，注意力缺失症，亞士保加症，輕度智障，其他學習遲緩。學生嘅年紀由10個月BB 去到12歲學生都有。另外亦都有家長教育，去幫助家長應付學生嘅需要。